ఉదయించే సూర్యుని
ప.ఉదయించే సూర్యుని అదే పనిగా చూడకు
ఉదయించని సూర్యుని హృదయమందు గాంచుమా
1.భ్రమణమందు భూమియే సూర్యోదయమెచట గలదు
భ్రమలోపడి బ్రతుకంతా భయపడుతూ బ్రతుకకు
బ్రహ్మమె నీలోనున్నది దర్శించుము ధైర్యమ్ముగ
బ్రహ్మము నీవే నిజముగ నిలకడగా తెలియును
2. కలవంటిదె మెలకువయని వక్కాణించిరి విజ్ఞులు
మెలకువనే సాధించిన మరు జన్మయె లేదుకదా
వెలకట్టగ లేనివెన్నొ వెలువడెనుధధి మధింప
తెలివిగ నీలో నిఖిల జగమునే దర్శించుము
3. బ్రహ్మపదార్ధమ్మది బాహ్యమందు బయలుపడదు
బ్రహ్మము ప్రత్యక్షమ్మగు అంతర్మధనమువలన
బ్రహ్మమే దర్శనము అంతర్యానమున పర
బ్రహ్మమే నీవగుదువు అచంచల దీక్ష యున్న
రచన: కొడవంటి సుబ్రహ్మణ్యం - smkodav@gmail.com
No comments:
Post a Comment